مبارك عليكي يا مصر
من كل الوجوه
مبارك عليكي سعة صدرك لأبعد حدود
مبارك عليكي تفشى البطالة وفتح السجون
مبارك عليكى خراب الذمم وفساد بالكوم
مبارك عليكى طفح المجارى وممدوح اسماعيل
مبارك عليكي دم ملوث وسرقة بنوك
مبارك عليكي يا مصر تغنى لحسنى نشيد الخلود
مبارك عليكى فى شارع مكسر ورغيف مسموم
مبارك عليكي بحكم نزية لحبس الصحافة وكتم النفوس
مبارك عليكي عصابة بتحكم باسم "الأنون "
مبارك عليكي وكاتم عليكي "26 سنة" ماليكي سوس
مبارك عليكي باعوكى بأبخث ثمن لحفنة لصوص
مبارك عليكي وفوق رقاب الكل يدوس
مبارك عليكى وريث يا جماله محمول ع الرؤس
مبارك عليكي حاجات كتيرة خلتنى فى حيرة من شعب منحوس حكامه يسقوه وكأنه جاموس
لما قرأت القصيدة ... وجات لى على الميل .. قررت أنى اسجلها
بصوتى
وبعدين قلت نعملها فيديو
كلمات : مصرية
إلقاء : محمد الشاعر
إخراج : الشاعر
