مصر بتتبهدل بيهم
أحلف بسماها وبترابها...حزب مبارك اللى خرابها
تأملت كثيرا ذلك الشعار الذر رفعه مؤامرة حزب مبارك المسمى مؤتمر الحزب الوطنى
وانا أؤكد أنه ليس مؤتمرا للحوار والنقاش والوصول الى حلول لمشاكل تسبب فيها أغبياء هذا الحزب لطمعهم فسادهم.
وأقول حزب مبارك وليس الحزب الوطنى فهو لا وطنى ولا يحزنون،ولكنه شلة منتفعين وفاسدين وحرامية وأنا راى الشخصى أنه لو حتى ملك من السماء دخل هذا الحزب لابد أن يتحول الى شيطان فاسد، ثم أنه حزب فقط لمبارك وابن مبارك وال مبارك.
المهم هذا النيو اوك الجديد الذى رفعوه بلدنا بتتقدم بينا بصراحة غاظنى اوى اوى ليه؟؟؟؟؟؟؟؟ حد يقول لى بأمارة ايه البلد بتتقدم بيهم؟؟؟!!!
طيب أقول أنا؟ مش عارف أبدأ منين ولا منين...0
نبدأمن اللى ماتوا غرقانين فى تحطيم الطيارة المصرية على شواطىء ماما أمريكا
ولا غرقانين فى العبارة سالم اكسبريس
ولا غرقانين فى عبارة ممدوح اسماعيل عضو مجلس الشورى المعين عن دايرة مبارك
ولا غرقانين فى قوارب الموت هربا من حزب مبارك وبحثا عن لقمة عيش فى اى مكان بعيد
ولا الى ماتوا محروقين فى قطار الصعيد البائس.
ولا محروقين فى قطار بنها وقليوب.
ولا محروقين فى قصر ثقافة بنى سويف.
ولا اللى ماتوا مسرطنين بمبيدات يوسف والى اللئيم
ولا ماتوا بالفشل الكلوى والكبدى من تلوث الماء والطعام
ولا اللى ماتوا من قلة الدواء
ولا اللى ماتوا من الجوع والحرمان؟
طيب اللى ماتوا يمكن يكونوا ارتاحوا من مبارك وحزبه ايه بقه ذنب الاحياء؟!
نتكلم عن ايه ولا ايه؟ عن الظلم ولا الفساد ولا التزوير ولا تكميم الافواه ولا كبت الحريات ولا التعذيب والموت فى اقسام الشرطة وامن الدولة ولاالمحاكمات العسكرية ولا خطف الطلاب من الجامعة ولا صفر المونديال ولا صفر الجامعات ولا سرقة الآثار ولا نهب القطاع العام ولا البطالة والبلطجة ولا الرشوة والمحسوبية ولا ماء وهواء ودواء وطعام ملوث ولا اعلام فاضح وكل دا كوم وظهور الباشوات فى الاعلام كوم لوحده وخاصة وهم بيكذبوا كذب مفضوح ولا شيخ أزعرهم ومفتيهم الهمام
وبعد دا كله يقولوا بلدهم بتتقدم بيهم جاتكم خيبة روحوا اتنيلوا
تحياتى
